Mungesa e makinerive të rënda dhe ekipeve të pajisura me materialet e  duhura  po ngadalësojnë operacionet e shpëtimit në Siri.

Helmetat e Bardha në provincën Idlib vazhdojnë të shpëtojnë familje të tëra nga rrënojat. Dëmtimi i infrastrukturës pas viteve të luftës civile ka vështirësuar  gjithashtu dërgimin e ndihmave pas tërmetit shkatërrues të së hënës në rajonin e udhëhequr nga rebelët. Shumë ndërtesa banimi janë shkatërruar, duke lënë mijëra të pastrehë.

Temperaturat e ftohta po vështirësojnë  përpjekjet e shpëtimit ndërsa shumë nga të zhvendosurit janë të detyruar të gjejnë strehim në rrugë.

“Për të siguruar që të mos vdesim, ku tjetër mund të shkojnë njerëzit? Ata nuk kanë asnjë mundësi, nuk kanë shtëpi, nuk kanë tenda, ku mund të shkojnë? Ata mund të pushojnë këtu vetëm derisa situata të përmirësohet” shprehet një banor i zhvendosur nga Aleppo.

Zonat e kontrolluara nga rebelët pranë kufirit me Turqinë, nuk mund të marrin ndihmë nga pjesët e kontrolluara nga qeveria  pa autorizimin e Damaskut .

OKB-ja u ka bërë thirrje autoriteteve që të lënë mënjanë politikën për të siguruar që ekipet e shpëtimit të vazhdojnë punën e tyre Më shumë se 1,500 njerëz kanë vdekur vetëm në provincën Idlib, ndërsa qeveria e Bashar al-Assad fajëson sanksionet evropiane dhe amerikane për mungesën e ndihmës.

LEXONI GJITHASHTU:

• Rreth 100 vende i ofrojnë ndihmë Turqisë për tërmetin
• Operacionet post-tërmet, evakuime në Turqi, në Siri hyn autokolona e parë e ndihmave