Siria: Vizita e Netanyahut në jug të vendit, e paligjshme! Shkelje e sovranitetit

Siria ka reaguar dhe ka dënuar si  shkelje të sovranitetit vizitën e kryeministrit izraelit Benjamin Netanyahu në jug të vendit. Ai  u takua me zyrtarë të tjerë me trupat e vendosura në një zonë të krijuar për të ndarë forcat e armatosura të të dy vendeve.

Siria dënoi ashpër këtë vizitë duke e cilësuar të paligjshme. Siria theksoi se e konsideron një shkelje serioze të sovranitetit dhe integritetit të saj territoriale.

Ministria e Jashtme në një deklaratë denoncoi përpjekjet e reja nga Izraeli që bien ndesh me rezolutat përkatëse të Këshillit të Sigurimit.

Zëdhënësi i Sekretarit të Përgjithshëm të OKB-së, Antonio Guterres shprehu gjithashtu shqetësim në lidhje me vizitën e Netanyahut.

“Kjo vizitë shumë publike është, për të thënë të paktën, shqetësuese. Ne i bëjmë thirrje Izraelit të respektojë marrëveshjen e shkëputjes së vitit 1974”, tha zëdhënësi.

LEXONI GJITHASHTU:

• Presidenti i Airbus thirrje vendeve evropiane të pajisen me armë bërthamore taktike
• Punonjësi veteran i FBI-së pushohet nga puna pas vendosjes së flamurit LGBTQ+