Situata e zjarreve në vend: Shuhen 22 vatra në fundjavë, 5 ende aktive

Zjarret vazhdojnë të jenë të pranishëm vetëm në pjesën veriore të vendit. Ministria e Mbrojtjes raporton se janë 5 vatra aktive në Milot, Mirditë, Kukës e Mat për të cilat po punohet në terren të vështirë.

5 vatra zjarri aktive vazhdojnë të djegin pyjet dhe kullotat në vend. Gjatë fundjavës numri i tyre ishte 27, por forcat zjarrfikëse në të gjithë vendin kanë arritur të shuajnë 22 prej tyre dhe tashmë puna është përqendruar në Shëngjin të Mirditës, në Skuraj të Milotit, në Frakth të Matit, dhe pranë dy fshatrave të Kukësit, në Barrë dhe në Surroj.

Sipas të dhënave nga Agjencia Kombëtare të Mbrojtjes Civile, të gjitha zjarret po përhapen larg zonave të banuara dhe nuk përbëjnë rrezik për shtëpi apo për stalla në fshatrat përkatës.

Për shuarjen e këtyre vatrave po punohet nga forcat zjarrfikëse, të cilat në disa zona operojnë në terrene të vështira malore.

LEXONI GJITHASHTU:

• Zyrtari rus: Do ta ndryshojmë doktrinën bërthamore për shkak të Perëndimit
• Depoja e naftës në Rusi përfshihet nga zjarri pas një shpërthimi