Prefekti i Qarku të Kukësit Granit Gjana ka dhënë informacion rreth situatës së shkakëtuar nga moti i keq në këtë qark.

Gjana tha se rrugët nacionale janë të kalueshme normalisht pa zinxhirë, ndërsa mbeten problematike disa rrugë rurale që administrohen nga bashkitë dhe mungesa e energjisë elektrike në disa njësi.

“Të gjitha akset që mirëmbahet nga kotraktorët privatë janë të kalueshme, vijon të ketë probleme në disa rrugë rurale që administrohen nga bashkitë, njësitë Topojan, Zapod dhe disa njësi të tjera janë të bllokuara. Vijon të mbetet problem furnizimi me energji elektrike pasi nga reshjet janë dëmtuar shumë fidera. Nga takimi me kreun e OSHEE shpresojmë që sot të rikthehet energjia elektrike në të gjitha njësitë ku mungon energjia”, tha Gjana.

LEXONI GJITHASHTU:

• Rrugët problematike dhe akset e hapura, MM jep të dhënat e fundit mbi motin e keq
• Juglindja mbulohet nga dëbora, qarkullimi në rrugët rurale me zinxhirë