‘S’ka penj dhe lente për operacionet’, okulisti Lutaj rendit problematikat në QSUT

“Mungojnë mjetet e nevojshme për të kryer operacionet okulistike në QSUT”. Kështu deklaroi për emisionin “Mirëmëngjes” në Euronews Albania mjeku okulist Pajtim Lutaj.

Z. Lutaj nënvizoi se ka raste që edhe shtyhen operacionet për mungesë të lenteve.

“Hyj në sallë dhe nuk kam mjetet e nevojshme. Në fund të operacionit nuk ka ilaçe për ta mjekuar pacientin. Nuk ka penj për të qepur syrin”, u shpreh mjeku, i cili punon në QSUT.

Ai tregoi më tej se gjatë një operacioni u prish një aparaturë dhe u detyrua që të dërgonte disa persona për të marrë aparatin që ndodhej në klinikën e tij për të vijuar operacionin.

Teksa hodhi akuza për sistemin shëndetësor, mjeku nënvizoi se të gjitha problematikat i ka paraqitur me gojë me shkrim në administratën shtetërore, si ministrit dhe drejtorit të QSUT-së, duke iu vënë në dispozicion edhe propozimet.