Kreu i grupit demokrat Gazment Bardhi reagoi pas deklaratës së zv.kryeministres Belinda Balluku lidhur me skandalin e mbetjeve të eksportuara drejt Tajlandës.

Përmes një postimi në platformën X, Bardhi shprehet se prej kohësh porti i Durrësit  nuk kontrollohet nga autoritetet shtetërore por nga krimi i organizuar.

“Afera e trafikut ndërkombëtar të mbetjeve të rrezikshme toksike nuk mund të realizohet kurrë pa mbështetjen, mosveprimin apo symbylljen e autoriteteve shtetërore. Edhe përgjegjësia, mosveprimi apo shkelja e ligjit nga entet private nënkupton mosveprim dhe mungesë mbikëqyrje nga autoritetet shtetërore që kanë lejuar abuzimin e privatit.

Grupi Parlamentar i Partisë Demokratike do të përdor të gjitha mekanizmat e kontrollit parlamentar për zbardhjen e plotë të kësaj çështje, duke siguruar qytetarët shqiptarë se nuk do të lejojë në asnjë rast, që për shkak të një qeverisje kriminale dhe të papërgjegjshme të Edi Ramës, Shqipëria të jetë në një rrezik permanent për shkak të sasive të konsiderueshme të mbetjeve të rrezikshme brenda territorit shqiptar”, shprehet Bardhi.

LEXONI GJITHASHTU:

• Shehaj publikon dokumentin: Një kompani e licensuar për transportin e mbetjeve
• Skandali me mbetjet e rrezikshme, Konfindustria: SPAK të nisë hetimin