Shehaj publikon dokumentin: Një kompani e licensuar për transportin e mbetjeve

Kreu i Partisë Mundësia, Agron Shehaj ka publikuar këtë të premte një doklument i cili provon se shteti shqiptar ka qenë në dijeni të eksportit të mbetjeve industriale.

Sipas Shehaj, dokumenti tregon një akt të liçencimit të kompanisë që ka kryer eksportin e mbetjeve dhe nuk ka deklaruar që po eksportonin mbetje toksike, firmosur nga Ministrja e Mjedisit, Mirela Kumbaro.

DEKLARATA E PLOTË:

“Qeveria po hesht prej 2 javësh në lidhje me skandalin 816 tonelatave me mbetje toksike që po kthehen në Shqipëri.

Heshtin sepse janë përfshirë në trafik mbetjesh toksike.

Ky dokument tregon se shteti shqiptar ka qenë ne dijeni të trafikut, që bëhej me lëndët e rrezikshme. Ky është akti i liçencimit të kompanisë që ka kryer eksportin e mbetjeve dhe nuk ka deklaruar që po eksportonin mbetje toksike.

Liçenca është e firmosur nga Ministrja e Mjedisit, Mirela Kumbaro. Pra, të gjitha institucionet e dinin që në ato 100 kontenierë, po trafikoheshin mbetje toksike, dhe nuk bënë asgjë, sepse trafikimi po bëhej nga vete Qeveria.

Ky është trafik shtetëror mbetjesh toksike dhe duhet të hetohet sa më shpejt.

Qeveria nuk mund të heshtë më. Ky aktivitet kriminal i bërë duke përdorur instutucionet shtetërore vë në rrezik shëndetin publik.”

LEXONI GJITHASHTU:

• Mbetjet toksike nga Shqipëria, Shehaj: Alarmuan botën, mund të qëndrojnë në vend
• Shehaj për mbetjet toksike: Po na kthehen në Shqipëri, Qeveria të japë llogari