Skandali ‘Rubiales’, në Spanjë nisin protestat kundër kreut të federatës

Pasojat e ngjarjes së turpshme që mban firmën e Rubiales vijojnë në Spanjë, teksa këtë herë qytetarët janë ngritur në protestë.

Me pankarta në duar në mbështetje të Jenni Hermoso dhe duke kërkuar dorëheqjen e numrit 1 të federatës, Luis Rubiales, mbështetës të shumtë u mblodhën në Plaza Callao në kryeqytetin spanjoll. Mes protestuesve ishin dhe drejtues të lartë të vendit si zëvendëskryeministrja Diaz.

Kujtojmë se protestat vijnë pas puthjes që Rubiales i dha futbollistet Hermoso në momentin kur po i jepte medaljen pas fitimit të Kupës së botës. Një veprimi i tillë, i cili u cilësua i pahijshëm, madje deri në shkallën e një ngacmimi, ka pushtuar mediat evropiane, me një sërë institucionesh të cilat kanë dënuar veprimin e tij. Gjykata e Lartë në Spanjë nisi një hetim për rastin, për të konfirmuar nëse mund të konsiderohet një ngacmim seksual.

Mediat spanjolle kanë pohuar se në muajin shtator pritet të shpërthejnë protestat në vend për largimin e Luis Rubiales. Grupimet për të drejtat e grave kanë bërë një sërë njoftimesh në rrjetet sociale, nga ku bëjnë thirrje për organizim. Pavarësisht situatës së krijuar, 46-vjeçari nuk ka pranuar të japë dorëheqjen, duke vijuar me justifikime të njëpasnjëshme. Ishte FIFA që urdhëroi menjëherë pezullimin e tij deri në fund të hetimeve.

LEXONI GJITHASHTU:

• Trajnerët kundër Rubiales, stafi i kombëtares së femrave kritika kreut të federatës
• Prokuroria spanjolle hap hetim për abuzim seksual ndaj Rubiales