“S’ke shans”- Berisha sfidon Ramën: Destabilizim total po pengove komisionin hetimor

Kryetari i Partisë Demokratike, Sali Berisha iu përgjigj deklaratave të kryeministrit Rama se nuk do të ngrihet asnjë komision hetimor parlamentar në lidhje me çështjen McGonigal

Berisha, theksoi gjatë konferencës për shtyp këtë të premte, se Edi Rama nuk ka shans të pengojë të drejtën kushtetuese për të krijuar komisione.

Ish kryeministri shtoi se nëse Rama e beson vërtet këtë po provokon destabilizimin e plotë në vend.

“Deklaroi mbrëmë, siç e dëgjuat, që unë nuk lejoj, nuk ka shans të lejoj komision parlamentar për Uotergejtin e shekullit të 21, për një aferë që ka tronditur në palcë politikën dhe jetën në SHBA, por edhe në Shqipëri dhe mbarë vendet e tjera.

Edi Rama, nuk ka shans, të pengojë të drejtën kushtetuese, të parlamentit shqiptar për të krijuar komisione.

Nëse ky, beson në këtë, provokon në vend destabilizim të plotë.

Unë u them qytetarëve shqiptarë, që kurrë në histori, as në diktaturë, as pas diktature, nuk ka ndodhur që byroja e parlamentit të anulojë ligjet.

Nuk ka, as byroja politike e Enver Hoxhës nuk anulonte ligjet.

Anulimi i ligjit ka vetëm procedurë ligjore, parlamentare.

Një grup banditësh pa asnjë moral, thonë se byroja anuloi ligjin e komisioneve hetimore, jashtë çdo imagjinate.

Ligji anulohet vetëm me ligj të parlamentit dhe kurrë me vullnet të dikujt tjetër.

Banditizmi politik, shpërfillja ndaj vullnetit të qytetarëve, ndaj Kushtetutës, këtu tejkalon edhe Korenë e Veriut.

Se edhe diktatura e zbatonte procedurën në tërësi.

Por nuk është kurrë kompetencë e byrosë së parlamentit. Kjo tregon se verbëria, tmerri dhe paniku që ka Edi Rama nga aktet që ka kryer, e shtyjnë në çdo veprim.

Ka humbur mendjen dhe kërkon si mi të shpëtojë prapa çdo lloj absurditeti. Të fshihet”, tha Berisha.

LEXO GJITHASHTU:

• Berisha: Kosova është vendi ku shqiptarët jetojnë më mirë dhe më lirë
• Berisha uron Kosovën: U ngrit si feniksi, arritje mahnitëse në një kohë të shkurtër