Skeleti i dinozaurit 67 milionë vjeçar shitet për më shumë se 6 milionë dollarë

Një skelet i një Tyrannosaurus rex 67 milionë vjeçar i është shitur një individi privat për 5.55 milionë franga zvicerane (6.2 milionë dollarë).

Kjo është hera e parë që një T. rex del në ankand në Evropë.

Shembulli është përshkruar si “një nga skeletet më spektakolare të T. rex në ekzistencë”, 3.9 m ti gjatë.

Shkencëtarët janë të shqetësuar për rritjen e numrit të fosileve të dinozaurëve që përfundojnë në koleksione private.

Nuk është ankandi i parë i T. rex, ose çmimi më i lartë i arritur, por shitje të tilla janë relativisht të rralla.

Vitin e kaluar një skelet T. rex i cili pritej të kapte deri në 25 milionë dollarë në ankand u tërhoq pasi u ngritën dyshime se nga kishin ardhur pjesët e tij.

Emri i këtij skeleti është “293 Trinity”, sepse është ndërtuar nga tre T. rex të ndryshëm nga vendet e dinozaurëve amerikanë në Montana dhe Wyoming. Ai përbëhet nga 293 kocka të veçanta nga ekzemplarët e marrë midis 2008 dhe 2013.

Shumica e skeleteve të dinozaurëve të shitur në ankand përbëhen pjesërisht nga gips ose zëvendësime, por më shumë se gjysma e 293 Trinity është kockë e vërtetë, një përqindje relativisht e lartë.

LEXONI GJITHASHTU:

• Dinozauri më i vjetër i Afrikës u gjet në Zimbabve
• Cilët janë dinozaurët që i mbijetuan asteroidit dhe jetojnë ende mes nesh?