Skema e grabitjes më të madhe kohët e fundit: Si gjeorgjianët morën 200 mijë €

Policia ka zbardhur një prej grabitjeve më të mëdha të kohëve të fundit në Tiranë, ku një taksist u sulmua dhe iu vodhën 200 mijë euro. Hetimet intensive çuan në identifikimin e autorëve, një grup prej katër shtetasish gjeorgjianë: Levan Kiria, Tengiz Natchkebia, Noshrevani Kutalia dhe Yousuf Bozkurt.

Skema e grabitjes përfshinte katër persona. Dy prej tyre shkuan me motor te makina e taksistit në zonën e ish-Bllokut, ndërsa dy të tjerë prisnin me makinë pranë stadiumit Dinamo. Pasi kryen grabitjen, autorët u larguan me makinën duke lënë motorin në vendngjarje. Policia ka sekuestruar motorin, i cili rezultoi se ishte blerë nga një shtetas rus. Hetimet sugjerojnë se mund të ketë edhe persona të tjerë të përfshirë, të cilët kishin informacion për transportimin e parave.

Grabitja ndodhi kur taksisti po parkonte automjetin e tij në ish-Bllok. Autorët thyen xhamin e pasëm të makinës dhe morën një qese që përmbante rreth 200 mijë euro. Taksisti, i cili punonte gjithashtu si korrier për një pikë këmbimi valutor, kishte marrë paratë nga pika e këmbimit për t’i dorëzuar në bankë.

LEXONI GJITHASHTU:

• Grabitet taksisti në zonën e ish-Bllokut, 2 persona e kërcënojnë dhe i marrin paratë
• Ishte duke parkuar, si grabitësit i thyen xhamin e i morën çantën me para taksistit