Skënderbeu fiton me rezultatin 3-1 me Teutën në javën e parë të kampionatit kombëtar të volejbollit për femra.
Më përjashtim të setit të tretë, në setet e tjera ka patur pak histori, pasi Skënderbeu edhe duke aktivizuar lojtare te reja, ja ka dalë të fitojë setin e parë 25-18, të dytin 25-21 dhe setin e katërt me rezultatin 25-15.
Edhe për trajnerin Orlando Koja, Skënderbeu këtë sezon është skuadra për t’u mundur, edhe në kushte kur ndryshe nga rivalët që kanë investuar më shumë me lojtaret e huaja, Skënderbeu ka një gërshetim me lojtare vendase dhe të huaja.
Sipas trajnerit edhe këtë sezon Skënderbeu, Tirana e Partizani janë skuadra që do të luftojnë për trofetë.
Lojtarët e dy skuadrave pranojnë se lojtaret e huaja i kanë dhënë me shume rivalitet kësaj loje, por të dyja kërkojnë më tepër vëmendje për lojtaret shqiptare.
Skënderbeu vetëm pak dite më parë ka fituar kupën e FSHV për femra, duke treguar se edhe këtë sezon mbetet ekipi për t’u mundur.
LEXONI GJITHASHTU:
- Përfshihet nga flakët stadiumi “Skënderbeu” në Korçë, digjet tribuna VIP
- Një muaj para Superligës Shqiptare, Skënderbeu vijon përgatitjet
