Vaksinat, pedagogu Çela: Duhet më shumë informim, njerëzit nuk i bindin politikanët por ekspertët

Gati 1/3 e qytetarëve shqiptarë (32,7%) janë të bindur se nuk duan ta bëjnë vaksinën kundër COVID-19 dhe 25,9% të tjerë mendojnë se nuk do ta bëjnë vaksinën në të ardhmen.

Erlis Çela, pedagog dhe ekspert i shkencave të komunikimit tha se duhet bërë një punë më e mirë në informimin e popullatës lidhur me benefitet e vaksinës, dhe kjo gjë sipas nuk duhet të jetë në gojën e politikanëve siç ndodh në Shqipëri, por përmes ekspertëve dhe njerëzve të fushës.

“Njerëzit nuk i bindin politikanët por ekspertët. E para, në Shqipëri një pjesë e madhe e njerëzve besojnë në teori konspirative që janë provuar se janë të tilla dhe e dyta, kjo është një çështje më shumë se shqiptare; ne nuk mund të zgjidhim një problem global me adresime lokale, duhet t’u jepet hapësira e duhur ekspertëve”, tha Çela.

Të njëjtin qëndrim ndau edhe mjeku Ilir Alimehmeti sipas të cilit, duhet informacioni i besueshëm dhe nga shumë burime lidhur me vaksinat.

Kjo sipas tij, është një mënyrë për t’i dhënë mundësinë atyre që kanë predispozitë ta bëjnë vaksinën, por nuk kanë informacionin e duhur.

LEXONI GJITHASHTU:

• 37,8% e shqiptarëve të prekur nga COVID
• Gati 1/3 e shqiptarëve refuzojnë të vaksinohen kundër COVID
• 72% e shqiptarëve janë kundër vaksinimit me detyrim