Son ‘qan’ largimin e Conte, sulmuesi fajëson veten: Duhet të kisha luajtur më mirë

Kur kanë mbetur edhe 10 ndeshje deri në fundin e Premier Leagues angleze, Tottenham do të drejtohet nga dyshja Stellini-Mason. Drejtuesit e klubit londinez vendoësn të largojne trajnerin Antonio Conte vetëm pak ditë më parë, me italianin i cili ishte shumë larg objektivave të vendosura.

Shkarkimi i 53-vjeçarit duke se solli një lehtësim në skuadër, por kishte dhe nga ata lojtarë të cilët shprehën keqardhje. Njëri prej tyre është sulmuesi koreanojugor Heung Min Son, i cili pohoi se ndihet fajtor për largimin e italianit. Sipas 30-vjeçarit është një keqardhje që nuk do të punojë më me një trajnerit të klasit botëror.

“Duhet të kisha luajtur më mirë, ndihem fajtor për largimin e tij, sepse nuk e ndihmova shumë klubin. Jam mirënjohës për atë që bëri me ne, ai është një trajner i madh me shumë përvojë dhe gjithmonë do ta mbështes në jetën time. Më vjen keq si lojtar që nuk do të punoj më me të. Ai është një trajner i klasit botëror”.

Son ështëi vetmi lojtar aktualisht që ka marrë përsipër fajin e shkarkimit të strategut të njohur Italian. Conte u vendos në krye të skuadrës britanike në vitin 2021, e ashtu si parardhësit e tij nuk fitoi asnjë trofe.

LEXONI GJITHASHTU

• Skocia i jep leksion Spanjës, Zvicra nën drejtimin e Xhakës ‘rrëmben’ fitoren e dytë
• Kosova zhgënjen sërish, dardanët nuk marrin dot as 3 pikë me Andorrën
• Shqipëria e pa fat, asnjë pikë në ndeshjen e parë të kualifikuesve EURO 2024