Sonja Biserko: Jo republikë serbe në Kosovë sipas modelit boshnjak

Presidentja e komitetit serb të Helsinkit, Sonja Biserko është shprehur kundër formimit të Asosacionit në Kosovë, sipas modelit boshnjak, të quajtur Republika Srpska.

Në një intervistë për Euronews Albania, Biserko deklaroi se Kosova duhet t’i përmbahet kushtetutës dhe ligjeve të saj.

“Ambasadori amerikan në Kosovë tha se nuk do të ketë një Asocacion të tipit Republika Srpska në Bosnje dhe Hercegovinë. Është diçka që duhet shmangur dhe për të cilin komuniteti ndërkombëtar është i vetëdijshëm.

Kosova duhet t’i përmbahet kushtetutës dhe ligjeve të saj. E kam mbështetur atë që thashë dhe i qëndroj ende atyre që kam thënë. Të dyja palët, si Prishtina dhe Beogradi kanë bërë disa kompromise, por ajo që do të arrihet, nuk duhet të jetë sipas modelit të Republikës Srpska”, theksoi ajo.

LEXONI GJITHASHTU

• Albin Kurti: Asociacioni një etnik nuk është i mundur në Kosovë
• Hovenier: Kosova të ecë drejt asociacionit, s’duhet të jetë Republikë Serbe
• Haradinaj: Krijimi i asociacionit, rruga e vetme për tek marrëveshja finale