“Sot është një ditë e madhe për paqen” – Franca pritet të njohë Palestinën

Ministri i Jashtëm francez, Jean-Noel Barrot, tha se sot është “një ditë e madhe për paqen”, ndërsa vendi i tij përgatitet të njohë zyrtarisht shtetin e Palestinës më vonë këtë pasdite.

Ky veprim është një “fitore e madhe diplomatike për Francën”, i tha ai transmetuesit francez TF1.

“Vendimi që presidenti do t’ia paraqesë këtë pasdite Asamblesë së Përgjithshme të Kombeve të Bashkuara është një vendim simbolik, i menjëhershëm dhe politik, i cili tregon angazhimin e Francës ndaj zgjidhjes me dy shtete”, shtoi ai, shkruan BBC.

I pyetur nëse vendimi përbënte rrezik për Izraelin, ai tha: “Kjo është një kontradiktë absolute, pasi njohja e Palestinës është një mohim kategorik i Hamasit dhe e izolon atë përgjithmonë. Dhe i justifikon ata midis palestinezëve që kanë zgjedhur të heqin dorë nga dhuna dhe terrorizmi”.

Nga ana e tij presidenti francez Emmanuel Macron ka thënë se “njohja e shtetit palestinez sot është e vetmja mënyrë për të ofruar një zgjidhje politike për një situatë që duhet të ndalet”.

LEXONI GJITHASHTU:

• Netanyahu: Nuk do të ketë kurrë shtet palestinez në perëndim të Jordanit
• Sekretarja e Jashtme britanike paralajmëron Izraelin pas njohjes së Palestinës