Sot protestë para prokurorisë së Tiranës për vdekjen e 22-vjeçares nga Kenia

Ditën e sotme në Tiranë do të zhvillohet një protestë para Prokurorisë pas vdekjes së 22-vjeçares keniane Joy Aoko.

Ajo u dhunua barbarisht dhe u hodh nga kati i dytë i banesës ku jetonte në rrugën ‘Pandeli Evangjeli’ në Tiranë dhe ngjarja nuk ka ende autor.

Protesta do të zhvillohet në orën 17:00 dhe do të kërkohet drejtësi për vrasjen barbare të 22-vjeçares nga Kenia e cila kishe ardhur për të punuar në një kazino në Tiranë. Por rrethanat si ka ndodhur ngjarja ende janë mister.

22-vjeçarja ndërroi jetë në Kenia ndërsa lajmi u konfirmua nga nëna e saj. Joy u largua nga spitali i Traumës në “half coma”, pra gjysmë koma, e pavetëdijshme me 25 janar 2023.

Prej 14 gushtit të vitit 2022 vajza nga Kenia u shtrua për kurim në spitalin e Traumës, pasi u dhunua brutalisht dhe u hodh nga kati i dytë i banesës ku jetonte në rrugën “Pandeli Evangjeli” në Tiranë, megjithëse ngjarja është ende e mbuluar me mister. Rasti i dhunimit të 22-vjeçares solli në Tiranë edhe përfaqësues të ambasadës keniane në Itali.

Deri më tani, askush nuk është arrestuar në lidhje me rastin, por policia pretendoi se ata janë në ndjekje të autorëve.

LEXONI GJITHASHTU: 

• EMRAT/ Ishin kthyer në “tmerrin” e bizneseve në Tiranë, arrestohen dy hajdutët
• Ndalohet anija në Durrës, vinte me 22 500 tonë naftë kontrabandë nga Rusia