Spahiu: Ky është pazari i Ramës për mandatin e katërt dhe garancia për Berishën

Juristi Kreshnik Spahiu tha në emisionin Now në Euronews Albania se Edi Rama do të marrë një mandat të katërt qeverisës falë marrëveshjes që sipas tij ka me Sali Berishën.

Spahiu u shpreh se në Shqipëri nuk ekziston më pluralizmi politik, pasi politikanët kryesore i kanë kthyer në koncesion me njëri-tjetrin.

“Pas Gërdecit kur kishte mundësi për revolucion Rama dhe Berisha bënë marrëveshjen politike, edhe në 2017 opozita bllokoi 3 muaj bulevardin prapë u ulën në marrëveshje. Koncepti i revolucionit është kthyer në koncesion.  E gjitha është një lojë mes të dyve për të justifikuar pazarin; Rama shtrëngon me dosjet, me SPAK që të minimizojë Berishë të luftojë vetëm për fatin e vet. Rama do një mandat të katërt, duke i siguruar Berishës kreun e opozitës, as familja as bizneset s’do i preken dhe ai do jetë i kënaqur. Do kemi zgjedhje në tavolinë”, tha Spahiu.

LEXONI GJITHASHTU:

• Si rrëzohet Rama? Revoltohet Bushati: Me kallashnikov në dorë si në ‘97
• Bushati thirrje të fortë Berishës: Futuni në grevë urie, po bëhemi dele të qeverisë