Spahiu: Miqtë e afërt të Klinton janë Biden, Blinken dhe Hill, i ka pasur staf

Juristi Kreshnik Spahiu tha në një intervistë për Euronews Albania se miqtë më të afërt të Bill Klinton janë Joe Biden, Anthony Blinken dhe Kristofer Hill.

Ai tregoi se këta persona i ka pasur në stafin e tij dhe vazhdon të ruajë raporte shumë të ngushta.

“Presidenti Biden dhe Sekretari i Shtetit Blinken kanë qenë dy njerëzit më të afër të Bill Klinton kur ai ka qenë president i Shteteve të Bashkuara të Amerikës dhe Bill Klinton mbetet ende një nga njerëzit më me influencë në presidencën e Biden. Mos të harrojmë që presidenti Klinton ka pothuajse të gjithë ish-stafin e tij influencë në zonën e Ballkanit. Le të themi, ambasadori i Amerikës në Serbi, Kristofer Hill ishte njeriu që në vitin 1990 hodhi bazat e marrëdhënieve mes Shqipërisë dhe Shteteve të Bashkuara të Amerikës sepse ishte diplomati i parë që dërguan pas Shqipërisë komuniste,” – u shpreh Spahiu.

LEXONI GJITHASHTU:

• Spahiu: Klinton nuk e shet Kosovën për para, e ka si fëmijën e tij
• Spahiu: Serbët në Kosovë, s’mund kenë të drejta më shumë se grekët në Shqipëri