Spahiu: Nëse SHBA nuk shkatërron sot celulën antiamerikane, nesër do jetë vonë

Juristi Kreshnik Spahiu tha në një intervistë për Euronews Albania se në Shqipëri ekziston një celulë antiamerikane që drejtohet nga rusët.

Spahiu u shpreh se ka informacion se celula antiamerikane më e organizuar në Ballkan ndodhet në Shqipëri dhe SHBA duhet ta shkatërrojë sa nuk është vonë.

“Janë të gjitha informacionet se celula amerikane më e organizuar në Ballkan ndodhet në Shqipëri. Është një organizatë e strukturuar me media, me financime, drejtim politik, me imunitet, me polici të fshehtë. Është organizimi më i rrezikshëm sot për sot dhe drejtohet nga Moska, këta çapaçulët e Tiranës janë në listën e zezë të SHBA. SHBA duhet t’i shkojë në fund kësaj historie. Nëse SHBA vonohet në asgjësimin e kësaj celule do të jetë shumë vonë. Duhet të ndërhyjnë me të gjitha mjetet siç kanë bërë në shtetet e tjera”, tha Spahiu.

LEXONI GJITHASHTU:

• Spahiu: Gazetarët kanë frikë kur i bëjnë pyetje Berishës
• Spahiu: Pse Berisha nuk sulmon ambasadorin rus dhe kinez, por të SHBA dhe anglez