Juristi Kreshnik Spahiu analizoi gjetjet e Barometrit në Euronews Albania lidhur me pëlqyeshmërinë e liderëve.
Sipas Spahiut, shqiptarët janë populli më i pashpresë në planet pasi nuk kanë një alternativë qeverisjeje edhe nëse largojnë me votë qeverinë aktuale të Edi Ramës.
Duke iu referuar gjetjeve të barometrit, Spahiu u shpreh se edhe nëse heqin të keqen më të madhe, që është Rama, shqiptarët kanë alternativë dy njerëzit që urrehen nga mbi 70 për qind e shqiptarëve, si Meta dhe Berisha.
“Nuk ka popull më fatkeq në planet që ta ketë kaq të errët të ardhmen e vet, që alternativa qeverisëse ka dy njerëz që urrehen nga mbi 70 për qind e njerëzve. Ka ardhur koha të kuptojmë që këta 3 figura nuk janë aty se votohen, por se janë peng i një sistemi të kapur dhe një marrëveshjeje mafioze të 3 palëve”, tha Spahiu.
LEXONI GJITHASHTU:
- Paralajmërimi i Spahiut: Kjo është partia që zhduket këtë vit
- Shqiptarët japin vlerësimet e tyre për liderët politikë. Kush është më i pëlqyeri?
