“SPAK ka dalë jashtë kontrollit të pushtetit”, Iljazaj: Ja pse e sulmon politika

Gazetari Ervis Iljazaj tha në emisionin Now në Euronews Albania se mbështetja e publikut ndaj SPAK shtohet edhe më shumë kur ai sulmohet nga politika.

Sipas tij, SPAK ka dalë jashtë kontrollit të pushtetit dhe vepron si një institucion plotësisht i pavarur.

“Asnjë nga partitë e mëdha nuk e do SPAK; njëra e godet publicist dhe hapur madje e ka ofertë elektorale, ndërsa PS e mbron publikisht ndërsa nën rrogoz bën çmos ta pengojë. Të dyja palët janë kundër SPAK se logjika është qesharake; e duam SPAK por sa herë vjen te dera jonë ka një problem. Pse PS nuk i ngriti këto shqetësime kur u arrestua Meta? Arrestimi i Veliajt për PS është goditje politike ndaj ka reaguar hapur Rama, qëndrimet e palëve janë hipokrite. SPAK ka thyer një mentalitet raportin e drejtësisë me pushtetin. Është e vetmja gjykatë që ka dalë jashtë kontrollit të pushtetit. sa më shumë e sulmon politika, aq më shumë rritet besueshmëria ndaj këtij institucioni”, tha Iljazaj.

LEXONI GJITHASHTU:

• Si do shkrihet SPAK? Ristani sqaron deklaratën e Berishës…
• SPAK jep autorizimin, lejon familjarët të vizitojnë Erion Veliajn në burg