SPAK kërkon dënimin e Jorgo Goros me 2 vite burg për dosjen e dytë

Prokuroria e Posaçme Kundër Korrupsionit dhe Krimit të Organizuar ka dhënë këtë të martë pretencën për dosjen e dytë ndaj ish-kryebashkiakut të Himarës, Jorgo Goro, i cili akuzohet për shpërdorim detyre.

Prokuroria kërkon dënimin e Goros me 2 vite burg, i cili, për shkak të gjykimit të shkurtuar, reduktohet në 1 vit e 4 muaj heqje lirie. Në të njëjtën çështje është përfshirë edhe ish-zyrtari Vasillaq Strakosha, për të cilin SPAK kërkoi 1 vit e 6 muaj burg (që me gjykim të shkurtuar reduktohet në 1 vit heqje lirie).

Akuza lidhet me shpërdorimin e detyrës, të kryer më shumë se një herë, në kuadër të tjetërsimit të tokave në zonën e Livadhit në Himarë.

Kujtojmë se Jorgo Goro është dënuar më herët me 2 vite e 20 ditë burg, për një tjetër çështje që ka të bëjë me shpërdorim detyre, lidhur me kalimin e një toke për investime strategjike.

LEXONI GJITHASHTU:

• GJKKO jep dënimin për ish-kryebashkiakun e Himarës, Jorgo Goro
• SPAK mbyll hetimet për Jorgo Goron, si u tjetërsuan 10 mijë m2 truall në bregdet
• GJKKO sekuestron një apartament në emër të Jorgo Goros në Vlorë