“SPAK kontrollohet nga Rama”, Meta: Pse u thirra në Prokurorinë e Posaçme

Presidenti i Partisë së Lirisë Ilir Meta në një konferencë për mediat nga selia e PL akuzoi SPAK se është i varur plotësisht nga kryeministri Edi Rama.

I pyetur nga gazetarët për arsyen pse u thirr sot në Prokurorinë e Posaçme, Meta u shpreh se ishte thirrur në SPAK si denoncues i aferave të qeverisë.

“Jam thirrur në cilësinë e denoncuesit të ‘Rama-reformës’ që u firmos me 140 deputetë, pastaj vazhduan ata; emëruan Arta Markun që vazhdoi emërimet sipas qejfit të vet, emëroi KLP, dhe KLP zgjodhi SPAK sipas qejfit të vetë. Sot jemi vendi i dytë në botë për ryshfet dhe kjo s’mund të ndodhte kurrë pa SPAK, që kontrollohet plotësisht nga Edi Rama. Jam thirrur si denoncues dhe bllokues për planet për ndarjen e Kosovës që mund të sillnin Ukrainën në Ballkan. Jam thirrur si denoncues i aferës së detit që ka përgjegjës kryesor Edi Ramën. SPAK ka përgjegjësi për vrasjen në Elbasan, ishte detyrë e SPAK të ndiqte denoncimin  për njerëzit e pushtetit dhe ja kaloi Prokurorisë së Elbasanit që ishte në konflikt të hapur interesi”, tha Meta.

LEXONI GJITHASHTU:

• Do të përballet me drejtësinë apo do ta sfidojë atë? Përgjigjet Ilir Meta
• Meta del pas 3 orësh nga SPAK: U pyeta për gjëra që nuk kanë lidhje me mua