SPAK lëshoi urdhër kontrolli për banesën e tyre, reagon njëra nga motrat Nikolli
Ditën e djeshme, SPAK lëshoi një urdhër kontrolli për banesën e motrave Alda dhe Xhovana Nikolli. Lidhur me këtë, Xhovana Nikolli përmes një postimi në instagram ka shprehur shqetësimin dhe revoltat e saj, duke akuzuar Prokurorinë e Posaçme për sekuestrimin e sendeve private pa një urdhër gjykate. Ajo ka deklaruar se SPAK ka sekuestruar edhe telefonin e prindërve të saj.
“Një kontroll në shtëpi që shkatërron banesën, ushtrohet presion dhe sekuestrohen sende private pa urdhër gjykate, këtë vetëm në këtë shtet ordiner mund ta shohim. Përveç kësaj, i shkuan edhe në shtëpinë e prindërve, të cilët nuk kanë asnjë lidhje me këtë çështje, dhe atyre u sekuestrohet telefoni i nënës dhe babait. Pse, a ka ndodhur ndonjëherë që SPAK të vizitojë çdo ditë dhe të ushtrojë presion psikologjik mbi mua?” – shkruan Xhovana Nikolli në postimin e saj.
Ky zhvillim vjen pas atentatit me tritol që ka marrë jetën e 29-vjeçarit Enea Thomaraj, i cili humbi jetën pas tri muajsh luftë për jetën në spital. Shpërthimi, i dyshuar të ketë pasur si shënjestër motrat Nikolli, ndodhi në orët e para të mëngjesit të 14 korrikut 2024, në banesën e Thomaraj, i cili ishte fqinj i motrave.
Pas shpërthimit, dera e banesës u shemb dhe Thomaraj pësoi dëmtime të rënda në kokë, duke humbur jetën disa ditë më vonë.
Motrat Nikolli janë të njohura për lidhjet e tyre me individë të botës së krimit. Xhovana Nikolli është bashkëjetuesja e Amarildo Xhanej, i cili u arrestua në gusht 2023 në Vlorë si vrasës me pagesë. Ndërkohë, Alda Nikolli ka pasur një lidhje me Nuredin Dumanin, një tjetër vrasës me pagesë, i cili ndodhej në burg gjatë kohës së lidhjes me të.
LEXONI GJITHASHTU:
Kryefaqja
“Të bashkuar në dhimbje, të bashkuar në detyrë”, mesazhi i shpërndarë nga punonjësit e policisë për kolegun e vrarë
Lamallari për ngjarjen në Maliq: Do të bëhet vlerësim i plotë dhe do të merren masat e duhura
SPAK shpall pretencën për një fraksion të dosjes “Revanshi”, kërkon 98 vjet burg për 7 të pandehur
- 12:55 Shpërthim tritoli në derën e një dyqani në Laç, panik te qytetarët
- 12:48 “Të bashkuar në dhimbje, të bashkuar në detyrë”, mesazhi i shpërndarë nga punonjësit e policisë për kolegun e vrarë
- 12:37 Vuçiç konfirmon se do të shkojë në Mal të Zi për samitin BE-Ballkani Perëndimor
- 12:13 Lamallari për ngjarjen në Maliq: Do të bëhet vlerësim i plotë dhe do të merren masat e duhura
- 12:12 SPAK shpall pretencën për një fraksion të dosjes “Revanshi”, kërkon 98 vjet burg për 7 të pandehur
- 12:10 Autobusi i linjës Durrës-Spitall përfshihet nga flakët në lëvizje