SPAK mbyll hetimet për operacionin “Plumbi i Artë”, u zbardhën 18 ngjarje kriminale
SPAK ka mbylur hetimet për operacionin “Plumbi i Artë”. Organi i akuzës u ka komunikuar akuzat personave të dyshuar.
Në kuadër të këtij operacioni u zbardhen 18 ngjarje të rënda kriminale të ndodhura ndër vite, kryesisht vrasje me pagesë për rivalitet mes bandave.
Operacioni “Plumbi i Artë” u drejtua nga Drejtoria e Përgjithshme e Policisë së Shtetit dhe nisi menjëherë pas arrestimit të të shumëkërkuarit, Nuredin Dumani një vrasës me pagesë që pranoi të bëhej i penduar i drejtësisë..
Ky i fundit, u arrestua si rezultat i operacionit policor të koduar “Arratia”.
Gazetari i Euronews Albania, Eni Ferhati dha më tepër detaje sa i takon kësaj çështje:
“Pas 15 muajsh hetime intensive nga prokuroria e posaçme, tre prokurorët e dosjes “Plumbi i Artë” kanë çuar në gjykatë dosjen për operacionin “Plumbi i Artë” me në total 31 të pandehur, ndër to 19 të arrestuar ndërsa 12 të tjerë, vijojnë të jenë në kërkim.
Nga ky operacion janë zbardhur dhjetëra ngjarje kriminale, ku nga dëshmitë e të penduarit të drejtësisë Nuredin Dumani Prokuroria e Posaçme ka arritur të sigurojë prova të mjaftueshme për të çuar këtë dosje në gjykatë. Pritet të vendoset në një seancë paraprake që mund të mbahet në shtator nëse kjo dosje do kalojë për gjykim”,-tha gazetari Eni Ferhati.
LEXONI GJITHASHTU:
Vrasja e policit në Korçë, kush është autori dhe si hapi zjarr ndaj efektivëve pasi i pikasi
Vritet një polic gjatë një operacioni në Maliq, plagoset një tjetër
Mot i keq në Shkodër, autoritetet apel qytetarëve: Shmangni zonat me risk
- 08:40 Partia Demokratike në pushtet fiton zgjedhjet lokale në Korenë e Jugut
- 08:35 Vrasja e policit në Korçë, kush është autori dhe si hapi zjarr ndaj efektivëve pasi i pikasi
- 08:30 Kina ndalon hyrjen e katër deputetëve të Zelandës së Re pas vizitës në Tajvan
- 08:27 Protesta e studentëve kundër masave shtrënguese në Kili, 25 të plagosur nga përleshjet
- 08:22 Kim Jong Un bëri thirrje për zgjerimin eksponencial të arsenalit bërthamor të Koresë së Veriut
- 08:17 Rubio: Anëtarësimi i Kosovës në NATO tani nuk është në krye të agjendës së aleatëve