“SPAK mund të kërkojë masë arresti”, avokati: Ç’ndodh nëse Berisha refuzon gjykatën

Në GJKKO është shtyrë sërish seanca për rivlerësimin e masës së sigurisë ndaj Sali Berishës pas kërkesës së avokatëve të këtij të fundit për përjashtimin e gjyqtares Irena Gjoka.

Avokati Arben Llangozi tha në një intervistë për Euronews Albania se refuzimi i vazhdueshëm i gjykatës nga Berisha mund të bëjë që SPAK të kërkojë një masë më të rëndë sigurie ndaj tij siç është ajo e arrestit.

“Në seancën e sotme mendoj se Berishës do t’i mbetet në fuqi masa e sigurisë dhe Berisha do ta ankimojë në gjykata më të larta, kjo është zgjidhja e vetëm që Berisha të zhbëjë atë gabim që gjykata e ka bërë. Mendimi im është se në momentin që Berisha vepron në kundërshtim me gjykatën, SPAK do kërkojë nga kuvendi që t’i hiqet imuniteti dhe aty ai rrezikon masa më të rënda kufizuese si arrest shtëpie apo arrest me burg, por kjo varet nga provat që ata do mbledhin. Ndaj mendoj se SPAK do i kërkojë kuvendit heqjen e imunitetit dhe Berisha do përballet si qytetar i lirë, aty masat janë më të rënda pastaj”, tha avokati.

LEXONI GJITHASHTU:

• Berisha paraqet kërkesën për përjashtimin e gjyqtares, kush pritet ta shqyrtojë
• Shkëlzen Berisha reagon për avokatin e caktuar kryesisht: Sugjeroj më mirë Ballën