SPAK nis verifikimet për rastin McGonigal, pas kërkesës së Gazment Bardhit

SPAK ka nisur verifikimet për çështjen e ish-zyrtarit të FBI-së Charles McGonigal.

Ka qenë deputeti i PD-së Gazment Bardhi i cili i kërkoi SPAK të nis hetimet ndaj Kryeministrit Edi Rama për korrupsion të nëpunësve të huaj publikë, deklarim të rremë të pasurive, dhe pastrim të parave të pista.

Duket se kjo kërkesë zyrtare është marrë parasysh nga organi i akuzës. Në përgjigjen e kthyer ndaj Bardhit, SPAK i kërkon deputetit vënien në dispozicion të materialeve fillestare të drejtësisë amerikane që disponohen prej tij.

Në shkresën e drejtuesit të SPAK Altin Dumani kërkohet vënia në dispozicion për nevoja të hetimit të akt-padisë së Zyrës së Prokurorit të Distriktit të Kolumbias, datë 15.09.2022.

LEXONI GJITHASHTU: 

• Çështja “McGonigal”, gazetari: SHBA do i përdorë provat kundër Ramës
• ‘Krimea nuk do t’i kthehet Ukrainës’, Kievi kritikon deklaratën e presidentit kroat