Publikimi i sekreteve të dosjes ‘Dumani’, reagon SPAK

Prokuroria e Posaçme Kundër Korrupsionit dhe Krimit të Organizuar ka bërë një sqarim lidhur me hetimet për dosjen “Dumani”.

SPAK thotë se kërkesa për të ndaluar publikimin e sekreteve hetimore nuk është bërë ndaj të gjithë gazetarëve, por bëhet fjalë për një rast specifik.

Sipas SPAK, gazetari Elton Qyno ka publikuar disa te dhëna sekrete, që shkonin përtej vendimit të gjykatës ndaj ka lëshuar urdhër për të mos publikuar të dhëna të tjera.

SPAK thotë se po hetim për të zbuluar personat përgjegjës që i kanë dhënë gazetarit informacionet sekrete hetimore.

“Ne mirëkuptojmë interesin e mediave për informimin e opinionit publik, por ky interes nuk mund  dhe nuk duhet të cenojë një hetim të filluar dhe as sigurinë publike apo individuale të personave emrat e të cilëve janë përmendura gjatë hetimit, i  cili  vazhdon”, shprehet SPAK.

LEXONI GJITHASHTU:

Poli Hoxha për urdhrin e SPAK ndaj gazetarëve: Hetim kush nxjerr informacionet