Specialistët të habitur, flamingo në liqenin e Pogradecit

Pak e çuditshme, por e vërtetë. Në liqenin e Pogradecit janë rikthyer flamingot.

Prej gjashtë vitesh flamingot janë parë në ujërat e liqenit të Ohrit, një bukuri jo e zakonshme kjo pasi flamingot zakonisht qëndrojnë në laguna siç është ajo e Nartës apo Karavastasë.

Edhe për specialistët prania e këtij shpendi ka të bëjë me tërheqjen e ujërave të liqenit duke krijuar kushtet e favorshme për qëndrim të përkohshëm të flamingove në liqenin e Ohrit.

Nëse gjatë viteve të fundit flamingot janë parë në fillim të vjeshtës këtë vit për herë të parë vijnë në pranverë, ku gjatë këtyre ditëve temperaturat kanë shkuar deri në -2 gradë.

Një gjë e tillë për specialistin e zonave të mbrojtura Gani Bego është e habitshme ndaj edhe për këtë specialist bën me dije se flamingot nuk do të qëndrojnë gjatë në ujërat e këtij Liqeni.

Nëse vitet e tjera janë parë në Pogradec më shumë se 20 flamingo, këto ditë janë vetëm katër shpendë të tillë.

LEXONI GJITHASHTU:

• Altin Gusho emërohet drejtor në IEVP Pojskë në Pogradec
• Aksident me vdekje në aksin Korçë-Pogradec, makina përplas këmbësorin