Spektakël i yjeve në qiell, BBC sjell pamjet nga Shqipëria. Momenti kur bie meteori

Shiu vjetor i meteorëve Perseid ka ndriçuar qiejt anembanë botës për kënaqësinë e atyre që shpresojnë të kapin momentin e një ylli që bie.

Ndërsa mbeturinat e lëna pas nga kometa 109P/Swift-Tuttle, godasin atmosferën e tokës, ato digjen, duke rezultuar në ndezjet e shndritshme të njohura si yje që bien, të cilat mund të shihen me sy të lirë.

Shfaqja natyrore ndodh në një kohë të ngjashme mes korrikut dhe gushtit të çdo viti. Këtë vit arriti kulmin midis mbrëmjes së të shtunës dhe orëve të para të së dielës.

Retë e rënda mbi pjesën më të madhe të Mbretërisë së Bashkuar bënë që shumë vëzhgues të yjeve të ishin të zhgënjyer, megjithëse disa pamje ishin të mundshme mbi Yorkshire, Anglinë verilindore dhe një pjesë të Skocisë jugore.

BBC ka ndarë dhe fotot e spektaklit të yjeve në vende të ndryshme të botës, ku fenomeni është dukur mjaft qartë. Pjesë e listës së publikuar nga BBC është dhe një foto e shkrepur Parkun Kombëtar të Shebenikut, në Shqipëri.

Në foto shihet qielli i mbushur me yje dhe momenti kur bie meteori Perseid.

LEXONI GJITHASHTU:

• VIDEO| Anulohet fluturimi, pasagjeri bërtet me sa fuqi ka: A jeni robër  të Allahut
• Shembet tempulli i lashtë në Indi, 9 të vdekur e dhjetëra të tjerë nën rrënoja