Spiropali për protestën e 6 dhjetorit: E ngjashme me “Koncert në vitin 36-të”

Ministrja Elisa Spiropali, nga foltorja e Kuvendit ka reaguar në lidhje me protestën e 6 dhjetorit që do të zhvillohet në Tiranë, pikërisht në ditën që në kryeqytet do të mbahet Samiti i BE-Ballkani Perëndimor.

Protestën, Spiropali e ka krahasuar me filmin shqiptar “koncert në vitin 36-të”, duke shtuar se tubimi është absurd në një ditë historike për Shqipërinë ku vijnë gjithë liderët e BE.

“Ç’protestë do bëni ju në 6 dhjetor? Do të jetë e ngjashme me atë “Koncert në vitin 36-të. Në një anë do të bëhet samiti i BE-së në anën tjetër do të kërcasin dajret. Si mundet t’i shkoni pas atyre që janë të ngjashëm me ata që i ngulin vendit thikën në shpinë. Por të jeni të bindur se Shqipëria do t’i shkojnë deri në 2030-s deri në fund të gjitha projekteve. Po e godisni Shqipërinë pas shpine për pushtetin e një njeriu”, u shpreh Spiropali.

LEXONI GJITHASHTU: 

• Porti i Durrësit, Berisha: Rama po ndërton 12,600 apartamente për klientelën e tij
• E zbulon Spahiu: Basha po përgatit 5 kandidatë të fortë për zgjedhjet lokale