Porti i Durrësit, Berisha: Rama po ndërton 12,600 apartamente për klientelën e tij

Kreu i Partisë Demokratike, Sali Berisha nga foltorja e Kuvendit ka akuzuar kryeministrin Edi Rama se në projektin e Portit të Durrësit ka përdorur të njëjtën aferë si tek ajo e inceneratorëve për të vjedhur.

Berisha tha se kreu i qeverisë ndërton 12,600 apartamente “bashkë me klientelën e tij.”

“Edi Rama do të grabisë portin ekzistues do ta shndërrojë në pallate, hotele, kurse portin do ta ndërtojnë shqiptarët me taksat e tyre.  Po ua them unë këtu, me përgjegjësinë më të plotë se kemi pasur ofertë për të dorëzuar portin e Durrësit dhe për të ndërtuar port në Porto Romano, por ajo është refuzuar në mënyrë më kategorike.

Kurse Emmari, Rama se nuk është Emmari merr portin e Durrësit, ndërton 12600 apartamente, bashkë me klientelën e tij dhe Emmarin sigurisht dhe ndërton një port jahtesh. A e dini ju se kanë vendosur dhe të drejtën e seleksionit të qytetarëve që hyjnë dhe dalin në plazh. Atje do të jenë vetëm klientela e zenxhinëve. Durrësakët e mesëm dhe të varfër me dylbi, duhet të dalin mbi Currila në ndonjë kodër të shohin se ç’po ndodh aty”- tha Berisha.

LEXONI GJITHASHTU: 

• E zbulon Spahiu: Basha po përgatit 5 kandidatë të fortë për zgjedhjet lokale
• Kreshnik Spahiu: Berisha të japë shpjegime, i besoi Bashës PD për tre mandate