Kreshnik Spahiu: Berisha të japë shpjegime, i besoi Bashës PD për tre mandate

Juristi Kreshnik Spahiu është shprehur se kreu i PD-së Sali Berisha duhet të japë shpjegime në lidhje me Lulzim Bashën, të cilin tani e akuzon si të përfshirë në aferën e Portit të Durrësit.

Në një intervistë për Euronews Albania, Spahiu tha se Berisha bëri Bashën kryetar bashkie duke shtuar se ai i besoi PD-në për tre mandate radhazi.

“Mendoj se është e vetmja akuzë që Berisha drejton ndaj Lulzim Bashës, kemi dy njerëz që i kemi parë shumë të lidhur me njëri-tjetrin. Mendoj se kanë qenë shumë të lidhur politikisht. Mendohej se Berisha testamentin politik do ia trashëgonte Bashës.

Berisha  na’e shiti Lulzim Bashës si kryeministër. Nëse Basha ka kryer afera nuk mendoj se afera e tij e parë ka qenë Porti i Durrësit. Berisha e zgjodhi Bashën ministër të jashtëm, 29-vjeç. I besoi PD për tre mandate, Berisha duhet të japë shpjegimi se ku ndryshoi Lulzim Basha. Ai ishte i ndershëm deri në 20 shtator 2021 dhe ai u bë hajdut pas datës 20 shtator. Berisha duhet të japë shpjegime të qarta për këtë gjë.”- u shpreh Spahiu.

LEXONI GJITHASHTU: 

• Meta nga Korça: 1.5 mln € borxh, do i paguaj shteti nga buxheti që miratohet sot
• “Më duan demokratët”, Kapllanaj shpjegon vendimin për të kandiduar në zgjedhje
• Kapet një ngarkesë kokaine në Portin e Tivarit, aksioni i policisë edhe në Shqipëri