Spiunazh kundër muxhahedinëve, SPAK kontrolle blic në Laç dhe Lezhë

Prokuroria e Posaçme vijon kontrollet dhe punën për identifikimin e personave të dyshuar si të përfshitë për aktivitet spiunazhi, kundër MEK.

Së fundmi SPAK, përveç kontrollit të banesave të disa shtetasve dhe marrjes në pyetje të 11 personave të tjerë, ish-anëtarë të MEK,  ka ushtruar kontrolle edhe në disa banesa në Laç dhe Lezhë, që dyshohet se janë të përfshirë në këtë rrjet spiunazhi.

Sipas informacioneve mësohet se, në këto banesa janë sekuestruar disa sende si laptop apo telefona që mund t’i vlejnë hetimit.

Dyshohet se personat e vënë nën hetim kanë qenë të rekrutuar nga Ministria e Brendshme e Iranit.

Hetimet e SPAK nisën pas marrjes së indicieve se disa persona po përgatisnin një rrjet agjenturor dhe kishin krijuar nja shoqatë në Shqipëri, ku qëllimi ishte marrja e informacioneve për jetesën e muxhahedinëve që jetojnë në kampin në Manëz.

Në këtë rrjet spiunazhi dyshohet se ka edhe shtetas shqiptarë.

Deri më tani nuk ka asnjë person të ndaluar apo dëbuar lidhur, ndërkohë që të gjithë të dyshuarit po mbahen në mbikëqyrje nga anti-terrori dhe agjentë të BKH-së.

LEXONI GJITHASHTU:

• Spiunonte muxhahedinët, SPAK çon për gjykim agjentin e Iranit
• Raporti i DASH për terrorizmin, Irani ‘rrezik’ për Shqipërinë