“Squid Game” në jetën reale, loja ku 456 lojtarë garojnë për 4.56 mln dollarë

Versioni i reality show i Squid Game nuk është çështje jete ose vdekjeje, por 456 lojtarë do të konkurrojnë për të fituar 4.56 milionë dollarë, çmimi më i madh në para në historinë e shfaqjeve televizive.

Nëpërmjet një serie lojërash, çdo konkurrent do të shtyhet në kufijtë e tij dhe do të detyrohet të pyesë veten se sa larg do të shkojë për të fituar, me aleanca oportuniste, strategji të pamërshirshme dhe tradhti.

Traileri fillon me tingullin e kukullës legjendare animatronike, Young-hee, duke rinisur një raund të ri të Dritës së Kuqe, Dritës së Gjelbër.

Pjesë e lojrave në këtë garë do të jenë lojra të vjetra nga seriali, dhe lojra të reja të ndara në 10 episode të cilat janë filmuar në Mbretërinë e Bashkuar.

Në fund, vetëm njëri nga lojtarët do të largohet me çmimin, dhe për të fituar 4.56 milionë dollarë, ata së pari do të duhet të bëjnë miq dhe akoma më shumë armiq gjatë rrugës.

“Squid Game”: The Challenge do të publikohet më 22 nëntor 2023 në Netflix.