Çmimi i energjisë, Rama: Mbi 800 kwh, çmim tregu për ata me vila e pishina

Kryeministri Edi Rama, zv.kryeministrja Belinda Balluku dhe ministrja Delina Ibrahimaj kanë prezantuar masat për krizën e energjisë.

Rama tha se sot Shqipëria është i vetmi vend që ka marrë një vendim të politik për të mos e prekur çmimin e energjisë.

Sipas tij, mbi 90 për qind e konsumatorëve familjarë konsumojnë më pak se 800 kw/orë ndaj deri në këtë fashë nuk do të ketë rritje të çmimit. Për ata që konsumojnë mbi këtë fashë do aplikohet çmimi i tregut.

“Kemi mbi 90% konsumatorë familjarë që konsumojnë më pak se 800 kwh. Dhe kemi një numër tjetër pra rreth 6-7% që konsumojnë më shumë se 800 kwh. Bëhet fjalë për persona me vila, pishina, ndriçim dekorativ. Mendojmë se ka ardhur koha që këta nuk mund të mbahen më nga buxheti dhe taksat e zakonshëm. Çdo kilovat mbi 800 do paguhet me çmimin e tregut”, tha Rama.

LEXONI GJITHASHTU:

• Rama për krizën energjetike: S’dihet fundi, mbështetje afatmesme
• Paketa e dytë mbështetëse për qytetarët, Ibrahimaj: Do bëhet publike në shtator