Stano: Kosova të shmangë veprimet e pakoordinuara, mund të rrisin tensionet në veri

Zëdhënësi i Bashkimit Evropian, Peter Stano ka thënë se janë në kontakt të vazhdueshëm me palët në Kosovë pas aksioneve të fundit të Policisë në veri ku u mbyllën pesë institucione paralele.

Sipas tij, situata në veri është e paqëndrueshme dhe se shqetësimi i tyre është se veprime të tilla të pakoordinuara mund të kontribuojnë në rritjen e tensioneve dhe përshkallëzimin e situatës.

“Bashkimi Evropian është në kontakt të vazhdueshëm me homologët kosovarë në nivele të ndryshme, në formate të ndryshme, dhe ne po i përcjellim mesazhet dhe pritjet tona shumë qartë. Nuk do ta përsëris atë që thamë në reagimin tonë të javës së kaluar, kur u zhvillua aksioni në veri të Kosovës kundër disa institucioneve të drejtuara nga serbët lokal atje. Por në fund të fundit, ne kemi një çështje, kemi një situatë, e cila tashmë është goxha e paqëndrueshme, dhe shqetësimi ynë kryesor është, dhe ky është mesazhi kryesor për autoritetet e Kosovës që të shmangin çdo veprim dhe hap që janë të njëanshëm, të pakoordinuar, dhe mund të kontribuojë në rritjen e tensioneve dhe përshkallëzimin e situatës edhe më shumë”, ka thënë Stano në një konferencë për media.

LEXONI GJITHASHTU:

• Stano për masat e BE ndaj Kosovës: Raporti po finalizohet, çfarë pritet të ndodhë
• Stano: BE nuk toleron sjellje që rrezikojnë sovranitetin e Bosnje e Hercegovinës