Stërgjyshërit i vdiqën te Titaniku, gruaja rrezikon të humbasë burrin tek nëndetësja

Wendy Rush është gruaja e Stockton Rush, shefit të OceanGate, i cili ndodhet në nëndetësen që është zhdukur. Ajo është gjithashtu stërmbesa e Isidor dhe Ida Straus – dy pasagjerë të klasit të parë që ishin në bordin e Titanikut kur u mbyt në 1912.

Wendy u martua me Stockton në vitin 1986, sipas njoftimit të martesës së tyre në Neë York Times.

Ajo është drejtoreshë e komunikimit në OceanGate dhe ka qenë në tre ekspedita ku janë vizituar rrënojat e Titanikut, thotë faqja e saj në LinkedIn.

Çifti i bashkëshortëve Straus ishin ndër pasagjerët më të pasur të Titanikut.

Të mbijetuarit thanë se kishin parë Isidorin të refuzonte një vend në një varkë shpëtimi ndërsa të gjitha gratë dhe fëmijët kishin hipur. Ida, gruaja e tij prej 40 vitesh, nuk pranoi të shkonte pa burrin e saj. Të dy u panë të përqafuar ndërsa anija po fundosej.

Një version i kësaj skene u përshkrua në filmin e vitit 1997 ku një çift shfaqet duke u përqafuar në shtrat ndërsa uji ngrihet rreth tyre.

Sipas arkivave të New York Times, trupi i Isidor u gjet në det rreth dy javë pas fundosjes. Eshtrat e Idës nuk u gjetën kurrë.

LEXONI GJITHASHTU:

• Gara me kohën për nëndetësen e miliarderëve, edhe 2 orë oksigjen për “Titan”
• Tinguj nga nëndetësja e zhdukur 3800 metra në thellësi të Atlantikut