Stërvitje ndërkombëtare në Shkodër për menaxhimin e fatkeqësive natyrore

Struktura të Mbrojtjes Civile nga vendet e Ballkanit dhe disa vende të Europës Perëndimore do të zhvillojnë në Shkodër një stërvitje e përbashkët ndërkombëtare në muajin prill.

Në fokus të këtij eventi  qëndron përmirësimi i organizimit dhe bashkëpunimit në rastet e fatkeqësive natyrore, me fokus të veçantë te përmbytjet.

Stërvitja, e quajtur FlooNorthAlb, do të zhvillohet në ultësirën e Shkodrës përgjatë lumit Buna. Ajo mbështetet nga Mekanizmi i Mbrojtjes Civile të BE-së dhe zbatohet në Shqipëri nën drejtimin e Agjencisë Kombëtare të Mbrojtjes Civile.

Përgatitjet për këtë aktivitet janë shoqëruar nga një seri konferencash planifikuese, ndër të cilat e fundit u zhvillua këtë javë në Tiranë.

Takimet shërbejnë për të koordinuar detajet organizative, duke përfshirë burimet dhe forcat që do të angazhohen nga vendet pjesëmarrëse.

Shqipëria, si pjesë e marrëveshjeve ndërkombëtare për menaxhimin e emergjencave, ka kontribuar në operacione të tilla në vende të tjera dhe ka përfituar mbështetje në situata emergjente, veçanërisht gjatë sezonit të verës kur janë përballur me zjarre të mëdha.

LEXONI GJITHASHTU:

• Zjarri masiv në Shkodër, kërkohet ndihmë nga emergjencat civile, evakuohen banorët
• Përfshihet nga flakët godina 2-katëshe në Shkodër, rrezikohen disa banesa