Zjarri masiv në Shkodër, kërkohet ndihmë nga emergjencat civile, evakuohen banorët

Tregu i rrobave të përdorura në qendër të qytetit të Shkodrës është përfshirë nga zjarri mbrëmjen e së premtes duke rrezikuar pallatet përreth.

Të gjitha strukturat e Bashkisë të angazhuara ndërkohë që policia ka ndërhyrë menjëherë duke evakuuar të gjithë banorët e banesave përreth që janë rrezikuar nga flakët e mëdha.

Është kërkuar ndihmë nga Emergjencat Civile, teksa zjarrfikëset vijojnë punën e në ndihmë të tyre janë nisur mjete nga Malësia e Madhe e Ulqini.

Gazetari i Euronews Albania, Teodor Gjerga raportoi se 7 mjete zjarrfikëse janë angazhuar në operacionin për shuarjen e flakëve që për shkak të materialeve të djegshme në tregun e rrobave të përdorura ende janë aktive.

Fatmirësisht dëmet nga zjarri janë vetëm materiale.

LEXONI GJITHASHTU:

• Përfshihet nga flakët godina 2-katëshe në Shkodër, rrezikohen disa banesa
• Përfshihet nga flakët një automjet në Korçë