Stoltenberg: Çdo lëvizje e FSK në Veri, të bëhet në konsultim me KFOR-in

Sekretari i Përgjithshëm i NATO-s, Jens Stoltenberg, deklaroi pas takimit me presidenten e Kosovës se i mirëpret hapat e ndërmarra për shtensionimin e situatës në veri të vendit

Gjatë konferencës së përbashkët për shtyp, Stoltenberg dënoi dhunën e ushtruar ndaj ushtarëve të KFOR në muajin qershor dhe kërkoi nga trupat e FSK të koordinohen me KFOR për të gjitha ndërhyrjet në veri.

“Trupat tanë të KFOR-it janë sulmuar këtë vit duke lënë 93 prej tyre të lënduar, disa në masë serioze, kjo është plotësisht e papranueshme, stabiliteti i rajonit dhe siguria e trupave të KFOR-it varen nga të gjitha palët që i respektojnë betimet ekzistuese.

NATO-ja e konsideron këtë të ketë rëndësinë më të lartë dhe kërkon këto të respektohen. Në përputhje me zotimet e Prishtinës nga viti 2013, çdo lloj zbarkimi i FSK-së kërkon pajtimin e KFOR-it dhe presim konsultime me kohë dhe kuptimplotë në çfarëdo lloj zbarkimi që mund të ndikojë në siguri”, tha Stoltenberg.

Gjithashtu Stoltenberg theksoi s epas tensioneve në Veri NATO e ka rritur prezencën në veri të vendit për të përmbushur misionin në ruajtje të paqes.

“Për situatën e fundit në veri të Kosovës NATO ka zbarkuar qindra trupa dhe vazhdojmë ta monitorojmë situatën për të përmbushur mandatin tonë të OKB-së, për të ruajtur një mjedis të rregullt dhe liri të lëvizjes të të gjitha komuniteteve në Kosovë”, ka thënë Stoltenberg.

LEXONI GJITHASHTU:

• Arrestimet në Veri dhe marshimi i FSK në Jug, Borrell i alarmuar: S’do tolerojmë
• KFOR-i mirëpret vendimin për reduktimin e pranisë së Policisë së Kosovës në veri