Stoltenberg: Ukraina do të bëhet anëtare e NATO-s, por jo tani

Sekretari i Përgjithshëm i NATO-s, Jens Stoltenberg deklaroi se Ukraina do të bëhet pjesë e asaj aleance në afat të gjatë, por se tani për tani ajo duhet të mbetet e pavarur për shkak të pushtimit rus.

Ukraina ka vite që dëshiron të bëhet anëtare e NATO-s, shkruan BBC.

Pas fillimit të luftës më 24 shkurt, Presidenti Zelensky kërkoi që kërkesa e Kievit për anëtarësim të përshpejtohej. Gjithashtu, disa ditë më vonë ata aplikuan për anëtarësim në BE dhe iu dha statusi i kandidatit në qershor.

“Aleatët e NATO-s kanë rënë dakord që Ukraina do të bëhet pjesë e aleancës sonë, por kjo është një perspektivë afatgjatë”, tha Stoltenberg gjatë një vizite në Helsinki, kryeqytetin e Finlandës.

Ai shtoi se tani është e domosdoshme që Ukraina të mbijetojë si një vend i pavarur.