Strehimi dhe kostoja e jetesës në Britani, në fokus të zgjedhjeve të ardhshme

Kriza e strehimit në Mbretërinë e Bashkuar pritet të jetë një nga çështjet kyçe në zgjedhjet e ardhshme të përgjithshme, teksa rritja e qirave dhe çmimet e larta po i bëjnë njerëzit të pastrehë. Studimet e fundit tregojnë se mbi 300 mijë persona në Britani nuk kanë rezidencë të qëndrueshme.

Sinkron Nick Bradshaw, menaxher qendre të pastrehësh:

“Në 6 muajt e fundit kemi parë një rritje me 40 deri në 50 për qind të njerëzve që vijnë tek ne për mbështetje. Është një rritje e madhe dhe po shohim gjithnjë e më shumë të rritur, të moshave 60, 70, apo 80 vjeç, që nuk kanë një akomodim të sigurt, që jetojnë në lëvizshmëri”.

Mungesa e shtëpive të përballueshme përkon me krizën e fortë të kostos së jetesës në Britani, ku ushqimi dhe faturat e energjisë kushtojnë më shumë se para pandemisë.

Dhe ndërsa pagat kanë nisur të rriten, hipotekat dhe qiratë kanë arritur pikun bashkë me normat e interesit, duke cënuar të ardhurat familjare.

LEXONI GJITHASHTU:

• Izraeliti: Në Izrael ka dhoma strehimi publike, por kemi 15 sec për t’u fshehur
• “Bujqësori” paguan studentët, 40 mijë lekë në muaj dhe bonus strehimi. Hiqet tarifa