Stresit të punës i shtohet dhe stresi për të ardhurat, tregon zjarrfikësi

Luan Kapaj, zjarrfikës në Vlorë tregoi se mungesa e mjeteve të shpëtimit dhe veshjeve speciale mbrojtëse ndikon te puna dhe produktiviteti i punonjësve.

Ai u shpreh për “Mirëmëngjes” në Euronews Albania se mjetet që përdorin janë të pacertifikuara.

“Një personel që fillon rishtas e ka pagën minimale 36 mijë lekë të reja,” – tha Kapaj, i cili sqaroi se nuk marrin asnjë pagesë ekstra për orët shtesë, orët e natës apo ditët e festave.

Në këtë pikë një zjarrfikës mbart jo vetëm stresin e përditshëm të punës, por dhe stresin se sa të ardhura do të çojë në familje në fund të muajit, gjë që ndikon drejtpërdrejtë dhe te shërbimi që japin.

Donacionet e fundit modeste janë bërë shumë vite më parë, tregoi zjarrfikësi i cili tha se kanë kohë që nuk disponojnë mjetet e duhura dhe mbrojtja personale e zjarrfikësit lë për të dëshiruar.

LEXONI GJITHASHTU:

• Zjarrfikësit në Kosovë, 100 euro shtesë për rrezikshmërinë në punë