Studentët e mjekësisë po protestojnë këtë të enjte në ambientet e jashtme të Kuvendit, ku kërkojnë që të mos kalojë në parlament ligji që i detyron ata të punojnë për një periudhë 5-vjeçare në spitalet brenda vendit, me qëllim marrjen e diplomës.

Në një prononcim për mediat një prej studentëve tha se protestat nuk do të ndalen edhe pasi ligji të kalojë në parlament.

Ai nënvizoi se studentët do të vijojnë përshkallëzimin e aksionit të tyre, duke bojkotuar vitin e ardhshëm akademik.

“Bojkoti, është e vetmja zgjidhje që ta bëjë shtetin shqiptar të reflektojë. Absolutizma nuk do të ketë kurrë, nuk do të them se jo të gjithë studentët do ta kenë guximin për të ndjekur bojkotin. Për shkak se fatkeqësisht në vendin tonë ekzistojnë dhe presionet e jashtme mbi studentët prindërit e të cilëve punojnë në administratë. E dimë shumë mirë se në mesin tonë nuk kemi mjekë dhe pedagogë vetëm pasi vendosen nën presion nëse dalin kundër urdhrave të kupolës qeverisëse”, tha studenti.