Studentët i bashkohen protestës në Beograd, kërkohen zgjedhje të parakohshme 

Presioni i brendshëm dhe i jashtëm mund të detyrojë qeverinë të bëjë lëshime ndaj opozitës, e cila kërkon anulimin dhe përsëritjen e zgjedhjeve

Studentët i janë bashkuar koalicionit “Studentët kundër dhunës” dhe kanë kërcënuar se do të bllokojnë Beogradin nga e hëna nëse kërkesat e tyre për përsëritje te zgjedhjeve nuk plotësohen.

Studentët i dhanë afat Ministrisë së Administratës Shtetërore dhe Vetëqeverisjes Lokale deri të hënën në orën 12:00 për të parë listën zgjedhore, për të parë se kush e ka vendbanimin, kush mund të votojë në Serbi, në Beograd, dhe ta përditësojë atë listë dhe kështu të sigurojë që, nëse do të përsëriten zgjedhjet, do të jenë të pastra”.

“Të hënën do të fillojmë bllokadat graduale, radikalizimin gradual. Ne do të bllokojmë pikat më të rëndësishme në Beograd.

Sipas njoftimeve, nëse kërkesa nuk plotësohet, do të ketë dhe bllokim të fakulteteve.

Profesori Dushan Spasojeviç tha për Danas se qëllimi i bllokadës është të rrisë presionin ndaj autoriteteve dhe të zhvendosë protestën nga një vend në të gjithë shoqërinë.

“Reagimi i Vuçiçit do të varet nga presioni nga jashtë dhe nga brenda, por në rast të anulimit të zgjedhjeve, pasoja sigurisht që do të ishte dhënia e pasqyrës dhe rishikimi i listës zgjedhore për përfaqësuesit e opozitës apo disa grupeve punuese neutrale që do të formoheshin”, – thotë ai.

Studentët bëjnë të ditur se çdo ditë deri të hënën do të jenë para komisionit zgjedhore në Beograd, ku të hënën nisën protestat e listës opozitare “Serbia kundër dhunës” për shkak të vjedhjes së zgjedhjeve.