Studenti: Rama është manipulator i mirë i situatave, Berisha ka agresivitet politik

Studenti Aldi Shehu thotë se kryeministri Edi Rama di të manipulojë mjaft mirë situata të caktuara dhe sipas tij, këtë e bëjnë politikanët e mirë në të gjithë botën.

Në emisionin “RinTalk” në Euronews Albania, Shehu u shpreh se te kryedemokrati Sali Berisha do vlerësonte agrisivitetin që ka në politikë, ndërsa te kreu i Partisë së Lirisë, do vlerësonte qetësinë

“Unë e kam të vështirë të jap një emër shqiptar. Te zoti Rama, do i hiqja vetëm faktin që është një manipulator shumë i mirë i situatave. Politikanët e mirë në të gjithë botën dinë të manovrojnë situata të vështira. Zoti Rama është i aftë ta bëjë këtë.

Te zoti Berisha do vlerësoja agrisivitetin e tij politik. Çdo politikan duhet të jetë agresiv në momente specifike, për të qetësuar si popullin, po ashtu edhe kolegët e tij. Te zoti Meta do vlerësoja qetësinë që ai ka në momente specifike”, theksoi ai.