Studimi: Ecjet e gjata përmirësojnë shëndetin e zemrës

Një ecje e gjatë në ditë është më mirë se disa ecje të shkurtra kur bëhet fjalë për shëndetin e zemrës.

Në këtë përfundim ka dalë një studim i ri i cili përfshiu gati 34,000 persona në Mbretërinë e Bashkuar, të cilët bënin më pak se 8,000 hapa në ditë.

Studiuesit i ndanë pjesmarrësit në katër grupe bazuar në kohëzgjatjen e ecjeve të tyre dhe vunë re se rreziku për sëmundje të zemrës ishte rreth 13 % tek ata që ecnin më pak se 5 minuta, 11 % për ata që ecnin nga 5 deri në 10 minuta, 7.7 % për ata që ecnin nga 10 deri në 15 minuta, dhe 4.4 % për ata që zakonisht ecnin mbi 15 minuta. (TABELE)

Kjo do të thotë se njerëzit që bënin shumicën e hapave në ecje 15-minutëshe ose më të gjata kishin afërsisht 1/3 e rrezikut për sëmundje të zemrës krahasuar me ata që ecnin periudha më të shkurtra.

Këto gjetje vijnë në një kohë kur po analizohet gjithnjë e më shumë se si numri i hapave ndikon në shëndetin tonë.

Sipas ekspertëve ecja e shpejtë mund të rrisë rrahjet e zemrës, të përmirësojë qarkullimin e gjakut, të ulë tensionin arterial dhe të ndihmojë në humbjen e peshës.

Ndërsa ideja e “10,000 hapave në ditë” është kthyer në një lloj slogani mirëqenieje, një studim i I realizuar me herët zbuloi se përfitimet për shëndetin fillojnë të shfaqen që me rreth 7,000 hapa në ditë.

Megjithatë, studiuesit thanë se këto gjetje mund të ndihmojnë në përcaktimin e udhëzimeve të aktivitetit fizik, sidomos për njerëzit që nuk janë shumë aktivë, për t’i ndihmuar ata të “përfshijnë sesione më të gjata dhe më të qëllimshme ecjeje në rutinën e tyre të përditshme për të optimizuar përfitimet shëndetësore”.

Studimi për shëndetin e zemrës

Kohëzgjatja e ecjes               Rreziku për sëmundje

Nën 5 minuta                              13%

5-10 minuta                                 11%

10-15 minuta                               7.7%

Mbi 15 minuta                              4.4%