Studimi: Përdorimi i paracetamolit gjatë shtatzënisë nuk shkakton autizëm te foshnja

Një studim ka dalë në përfundimin se nuk ka prova që të lidhin përdorimin e paracetamolit gjatë shtatzënisë me çrregullimet e spektrit të autizmit tek fëmijët.

Studimi i publikuar në revistën shkencore britanike BMJ, thekson se provat e disponueshme aktualisht nuk mbështesin një lidhje midis ekspozimit të fetusit ndaj paracetamolit dhe zhvillimit të autizmit ose çrregullimit të hiperaktivitetit të deficitit të vëmendjes (ADHD) në fëmijëri.

Presidenti i SHBA-së, Donald Trump, ka sugjeruar vazhdimisht në javët e fundit se ekziston një lidhje midis paracetamolit dhe autizmit. Në shtator, ai madje u bëri thirrje grave shtatzëna të mos përdorin paracetamol.

Komuniteti shkencor i hodhi poshtë këto pretendime, duke kujtuar se konsensusi mjekësor nuk e mbështet këtë lidhje dhe duke theksuar se paracetamoli është qetësuesi i dhimbjeve që gratë shtatzëna duhet të preferojnë në vend të aspirinës ose ibuprofenit, pasi këto janë treguar se paraqesin rreziqe për fetusin.

Organizata Botërore e Shëndetësisë këmbënguli, menjëherë pas deklaratave të Trump, se nuk ka prova që sugjerojnë se përdorimi i paracetamolit është i lidhur me autizmin. Studimi i botuar në revistën mjekësore britanike BMJ e përforcon këtë. Edhe pse nuk bazohet në kërkime të reja, ai ofron pasqyrën më gjithëpërfshirëse dhe të saktë deri më sot të gjendjes aktuale të provave shkencore.

LEXONI GJITHASHTU:

• Fitore e thellë e PS-së në zgjedhjet e pjesshme, Rama reagon pas rezultatit
• Gjykata franceze vendos sot për Nicolas Sarkozy nëse do të lirohet nga burgu